Abadennou

Peogwir eo galloudeg ment e son hag eo niverus e sonerien, eo ar bagad ur strollad a-bouez evit hentoù-kev ar gouelioù bras :

• Gouelioù Meur Kerne, Kemper
• Gouelioù Etrekeltiek, An Oriant
• Gouelioù Folklor ar Bed, Puy en Velay
• Ar «Francofolies», Ar Rochelle
• Gouel An Erer Kozh, Karaez

Kap eo memestra ar bagad da son a-hed ar sterioù evit abadennoù birvilher :

• Brest 1996, gouelioù ar mor a-bep seurt
• Bourdel 1998
• Sant Nazer

Concerts

Al laz-son eus Breizh eo ar bagad ; neuze e kinnig abadennoù koñser. En ur son e tiskouez d'ar sellerien, d'ar selaouerien pinvidigezh iñstrumantoù ha muzik-Breizh :

• Gouelioù Meur Kerne, Kemper
• Gouelioù Etrekeltiek, An Oriant - «Le Quartz» e Brest
• Gouelioù a bep-seurt er Frañs («Tambours de fête» e Charleville-Mézière 1998, «Les Francofolies» er Rochelle 1999, Gouel An Erer Kozh e Karaez 1999...)
• Med ivez en diavezh (Genève 1996, Porto 1991, Düsseldorf..)

Sonet 'vez an tonioù stummet evit kenstrivadegoù rummad gentañ BAS e-pad abadennoù eus 30 da 45 munutenn. Adaleg e bladenn gentañ e son ar bagad a-wechoù gant ar strollad folk «Kurun» (flutenn a-dreuz, bombard, kitar ha tamboulinoù) evel en-doa graet er Gouelioù Meur Kerne e1997.

E 1998 en-deus sonet ar bagad gant ar pianist Didier Squiban hag al laz-son «An Tour Tan» e-pad Gouelioù Meur Kerne evit ur c'hoñser «Armor Lux».

Fest-noz ha Fest Deiz

Brudet tre eo ar bagad evit lak an dud da zañsal a-hed ar bloaz e-pad festoù-noz ha festoù-deiz.